Mayor Binay, misis binabantayan sa plunder

Hindi pa man nakakabawi ang mga kalaban ni Pangulong Arroyo matapos ibasura sa Kongreso ang impeachment complaint laban dito, panibagong dagok na naman ang naghihintay sa lider ng United Opposition na si Makati City Mayor Jejomar Binay, sa misis nitong si Dra. Elenita Binay at ng walo pang opisyal ng Makati City Hall Office.

Ito’y makaraang muling buksan ng isang non-government anti-corruption group ang kanilang kasong plunder na kinakaharap sa Office of the Ombudsman na nagkakahalaga ng P662 million.

Nakasaad sa reklamo ng Campaign for Public Accountability (CPA), nagkaroon umano ng overpricing ang kanilang proyekto, tulad ng pagbili ng school supplies at kagamitan sa ospital at pineke umano ng mga ito ang mga dokumento base sa report ng COA. (LBonilla)