Jinggoy pinayagang magbiyahe sa US

Pinayagan kahapon ng Sandiganbayan Special Division na makapunta sa Amerika si Sen. Jinggoy Estrada sa loob ng 11 araw, Setyembre 8-19, habang walang sesyon ang Kongreso.

Ikinonsidera ng korte ang travel authority na ibinigay ni Senate President Franklin Drilon kay Jinggoy para dumalo sa 5th Annual Scholarship Fund Drive ng mga Candonians.

Unang pupunta si Jinggoy sa Hawaii bago didiretso sa San Francisco at Los Angeles kung saan siya makikipagkonsulta sa mga OFW na bahagi ng kanyang trabaho bilang chairman ng committee on labor, employment and human resources. (Ulat ni Malou Rongalerios)