CSR course bukas na sa Arellano

Sa makabagong panahon na tinatawag ng computer age, sumulpot ang mga higanteng kumpanya ng Call Center. Dito sa Pilipinas, higit 100,000 Customer Service Representative (CSR) bawat taon ang kailangan ng Call Center. Subalit, dahil sa kahinaan sa English proficiency at communication fundamentals ng mga aplikante, 35% lamang ang natatanggap bilang CSR.

Dahil dito, ang Arellano University (AU) ay nagbukas ng 1-year training course na Customer Service Representative. Ang CSR training course na ito ay may dalawang sangay, ang pagsasanay sa wikang English at Call Center Fundamentals.

Ang magsisipagtapos ng kursong CSR ay may tiyak na trabaho sa PLDT sa Ayala Ave., Makati at Fort Bonifacio Global City kung saan world-class ang serbisyo. Para sa iba pang detalye tumawag sa 735-2446, 734-7371 o magsadya sa Legarda campus, Legarda, Sampaloc, Maynila.

Ayon kay Francisco P.V. Cayco, Pangulo ng AU, ang AU at PLDT ay nagtie-up upang mabigyan ng pagkakataon ang mga nagsipagtapos na kumita ng malaki at hindi lamang sa Pilipinas kundi maging sa Estados Unidos at Europe.