Condo units para sa mga sundalo

Pormal nang iginawad kahapon sa mga junior at senior officers ng militar ang bagong tayong 240 units ng AFP condominium project na nagkakahalaga ng P1.2 bilyon sa Bonifacio Heights, Makati City na pinasinayaan nina VP Noli de Castro at outgoing chief of staff Gen. Efren Abu kahapon.

Bukod sa nasabing 240 condo units ay may lima pang on-base housing sites na inaprubahan si Pangulong Arroyo.

Ang nasabing on-base housing sites ay para sa mga sundalo sa Cagayan de Oro City; Camp Riego de Dios sa Trece Martirez City, Cavite; Camp Tinio sa Cabanatuan City, Nueva Ecija; Camp Lapu-Lapu sa Cebu City at Fort del Pilar sa Baguio City.

Babayaran sa loob ng 20 taon sa halagang P11,000 bawat buwan ang condo. (Ulat ni Joy Cantos)