Senado hinimok ipasa ang VAT

Hinimok kahapon ng Kilosan para sa Serbisyo ng Masa (KilosMasa) ang Senado na yumuko sa panawagan ng World Bank (WB) na para mapabilis ang fiscal reform ay ipasa na agad ang Expanded Value Added Tax (EVAT).

Ayon kay Jose Moreno Jr., spokesman ng Kilos Masa, lalong dadagsa ang mga foreign donors at investors sa bansa tulad ng WB kung nakikita ng mga ito na gumagawa ng hakbang ang lehislatura para matugunan ang fiscal crisis.

Sinabi ni Joachim Von Amsberg, WB country director sa Pilipinas, lalong maeenganyo ang mga foreign donors at investors kung nakikita nilang may mga hakbang ang Kongreso para tugunan ang kinakaharap nating krisis. Ipinaliwanag pa ni Moreno, hindi na ito ang panahon para sa grandstanding ng Kongreso kundi dapat magkaisa ang mga ito upang tuluyang ipasa ang dagdag na 2 percent sa VAT.