Walang umento sa Labor Day

Walang aasahang taas sa sahod na iaanunsiyo si Pangulong Arroyo sa pagdiriwang ng Labor Day sa Mayo 1. Ayon kay Labor Secretary Patricia Sto. Tomas, walang bagong insentibo sa sahod na ibibigay ang Pangulo dahil malalabag ang batas sa halalan kung maghahayag ang Presidente sa Mayo 1, siyam na araw bago idaos ang national at local elections. Maaari anyang maipagkamali ito na isang uri ng panunuhol sa mga empleyado para bumoto sa mga kandidato ng administrasyon.

Ang Kilusang Mayo Uno ay humihingi ng umentong P125 samantala ang Trade Union Congress of the Philippines ay humihingi naman ng P50 across-the-board wage increase. (Ulat ni Lilia Tolentino)