Kinumpirma ni bureau chief Rod Reyes ang pagbibitiw nina Benjie Guevarra, Bryan Yamsuan, Wowie Pagkalinawan, Merlinda Manalo at Dave Pahilga. Idinahilan ng limang staff na ang selosan sa propesyonalismo at kakulangan sa pondo para masuportahan ang pangangailangan upang makaganap sila ng husto sa kanilang tungkulin ang nagtulak upang magbitiw sila sa kanilang trabaho.
Iginiit naman ni Reyes na hindi siya magre-resign at mananatili kay Fernando Poe, Jr. hanggang matapos ang halalan. Pawang staff lamang anya ang umalis at hindi naman ang buong media bureau kaya walang epekto ito.
Pansamantalang mga staff ni Sorsogon Rep. Francis Escudero, spokesman ni FPJ, ang gaganap sa iniwang mga tungkulin ng nagbitiw na staff ng KNP. (Ulat ni Rudy Andal)