Reporma sa justice system pangako ni FPJ

Ipinangako ni presidential bet Fernando Poe Jr. sa mga abogado na magpapatupad siya ng reporma sa ating justice system kasabay ang pakikipaglaban sa corruption dito sa sandaling magwagi sa darating na May 10 elections.

Ito ay matapos makipagpulong sa kanya ang may 30 abogado na pinangunahan ni retired Supreme Court Justice Hugo Gutierrez at criminal lawyer Mario Ongkiko at igiit na kailangan ang reporma sa sistema ng ating hustisya upang magamot ang umiiral na corruption dito.

Ipinaliwanag ng mga abugado na dumalo sa Lawyers forum na inorganisa ni Atty. Fides Cordero-Tan kamakalawa na dahil sa pagiging mabagal ng mga korte sa pagdinig sa mga kaso ay hindi na rin nakakayanan ng mga maralitang may kaso ang pantustos sa gastusin ng proseso. (Ulat ni Rudy Andal)