Mindanao kay FPJ

Harangan man ng sibat ay hindi na mapipigilan pa si Fernando Poe Jr. sa pagkandidato sa presidential election sa 2004.

Ayon kay FPJ na dumalo sa ASSALAM Bangsa Moro Peoples Party Congress sa Club Filipino sa San Juan ay nag-uusap pa rin sila ni Sen. Panfilo Lacson pero wala ng kuwestiyon kung sino ang tatakbong presidente.

Siniguro ni FPJ sa kanyang mga Muslim supporters na susuklian niya ng mabuting paglilingkod ang ibinubuhos na suporta ng mga ito at iba pang sektor sa sandaling magwagi sa darating na presidential race.

Sabi ni FPJ, alam na alam niya ang mga problema at paghihirap ng Mindanao at kasabay nito ay iniharap niya ang kanyang 10-point agenda para sa 100 days niya sakaling mahalal na presidente. (Ulat ni Rudy Andal)