Inihayag ito ni Housing Secretary Mike Defensor na siyang itinalaga ng Malacañang bilang political spokesman.
Sinabi ni Defensor na pinag-iisipan pa kung ano ang magiging pangalan ng bagong koalisyon pero magiging miyembro nito ay pangungunahan ng partido Lakas-Christian Muslim Democrats, Liberal Party, Cabinet members, independent at ilang miyembro ng kumalas sa Reporma at Aksiyon Demokratiko.
Bukod kay Defensor, hinirang din ang kolumnistang si Alex Magno bilang tagapagsalita sa kampanya sa eleksiyon.
Layunin ng pagtatalaga kina Defensor at Magno na busalan daw ang bibig ng ilang masyadong madaldal tulad ni Lakas spokesman Heherson Alvarez.
Samantala, sinabi ni Defensor na sa kalagitnaang ngayong buwan ng Disyembre ay ihahayag na ng administrasyon kung sino ang bise presidente na katambal ng pangulo at mga kandidatong senador ng administrasyon. (Ulat ni Ely Saludar)