Cardenas laya na

Pansamantalang pinalaya ng Makati Regional Trial Court si Ramon Cardenas, ang Executive Secretary ni dating Pangulong Estrada, matapos itong magpiyansa dahil sa kasong rebelyon na isinampa dito sa pagkakaugnay nito sa pag-aaklas ng Magdalo group sa Oakwood hotel noong Hulyo 27.

Sa 15-pahinang desisyon ni Makati RTC Judge Oscar Pimentel ng Branch 148, kahit non-bailable ang kaso ay pinayagan nitong makapagpiyansa ng halagang P350,000 si Cardenas dahil na rin sa mga ebidensiyang inihain dito na walang direktang partisipasyon ang akusado sa naturang kudeta kaya pinayagan ito ng hukuman na maglagak ng piyansa.

Si Cardenas ay dinakip ng pinagsanib na puwersa ng National Bureau of Investigation (NBI) at PNP-Criminal Investigation and Detection Group (CIDG) matapos salakayin ang bahay nito sa Dasmariñas Village, Makati City noong Hulyo 29 at makakuha ng mga baril at dokumento na may kinalaman sa kudeta. (Ulat ni Lordeth Bonilla)