De Castro,GMA nanguna sa Pulse Asia

Muling nanguna si Senador Noli de Castro at pumangalawa si Pangulong Arroyo sa mga ibobotong presidente sa pinakahuling survey ng Pulse Asia.

Batay sa resulta ng Pulse Asia survey na inilabas ng Palasyo, nakakuha si de Castro ng 26 porsiyento samantalang ang Pangulo ay 21 porsyento.

Nalaglag sa ikatlong puwesto si dating Education Secretary Raul Roco, 16%; pang-apat si Senador Panfilo Lacson, 11%. Pang-lima si Fernando Poe Jr., pang-anim si Sen. Juan Flavier, pampito si Sen. Ramon Magsaysay, at magkakasama sa pang-walo sina dating Ambassador Danding Cojuangco, Sen. Gregorio Honasan at Sen. Aquilino Pimentel na nakakuha ng tig-2 porsiyento. (Ulat ni Ely Saludar)