Kinilala ang isa sa mga nasawi na si Bobby Kamdan habang kasalukuyan pang inaalam ang pagkakakilanlan ng dalawang iba pa.
Sa inisyal na imbestigasyon ng Police Regional Office (PRO) ng Autonomous Region for Muslim Mindanao (ARMM), kasalukuyan umanong nagkukubli sa nasabing lugar ang grupo ni MILF Lost Command Commander Manda alyas Commander Boy Timaco kasama ang apat nitong tauhan na kinabibilangan ng nasawi at gumagawa ng Improvised Explosive Device (IED).
Habang ina-assemble ang nasabing bomba sa isang bakanteng lote ay bigla na lamang itong sumambulat bunsod upang masawi ang tatlo.
Nakapuslit naman si Commander Manda kasama ang isa pa nitong tauhan bago pa dumating ang mga nagrespondeng elemento ng Explosives and Ordnance team ng pulisya at militar.
Isang hot pursuit operations na ang isinagawa laban sa grupo. (Ulat ni Joy Cantos)