Sinabi ng source, nagsumite na ng resignation letter si ret. Gen. Mike Hinlo, Asst. General Manager for Security and Emergency Service sa tanggapan ni DOTC Sec. Leandro Mendoza at MIAA Gen. Manager Ed Manda na may petsang Marso 28, 2003.
Si Hinlo na may 14 buwang nanunungkulan sa nasabing posisyon ay nakatakdang palitan umano ni Phil. Army ret. Gen. Angel Atutubo na nagsisilbi rin umanong senior military adviser ni Pangulong Gloria Macapagal-Arroyo.
Nabatid na dapat ay noon pang Pebrero umano nagbitiw sa tungkulin si Hinlo pero hindi natuloy dahil kinailangan pa umanong ayusin ang gusot at iringan ng Philippine National Police at Airport police na nakatalaga sa Ninoy Aquino International Airport.
Wala namang kinalaman, anang source sa pagbibitiw ni Hinlo sa naganap na kapalpakan ng security sa labas ng NAIA nang magsagawa ng surprise visit ang Pangulo kamakailan. (Ulat ni Butch Quejada)