Hiningian ni PAGC Chairman Dario Rama sina Bulacan Rep. Wilfredo Villarama at Senador Panfilo Lacson ng mga dokumento na magpapatunay na ang tinuturing nilang million dollar man ay tumanggap ng suhol.
Tatlong araw na palugit ang hiningi ni Rama sa dalawang solons para ibigay sa kanya ang tunay na pangalan ni million dollar man at ang account number nito sa bangko sa Hongkong kung saan idineposito umano ang suhol.
Samantala hinikayat ni Villarama ang Pangulong Arroyo na sibakin sa kanyang Gabinete si million dollar man dahil sa kilala naman umano nito ang kanyang tinutukoy.
Sinabi pa ni Villarama na umaasa ang taumbayan na ang pamahalaang Arroyo ay malayo sa katiwalian,subalit marami sa kanyang mga opisyal ang napapansin ng publiko na gumagawa ng katiwalian kaya hindi katakataka na ang Pilipinas ay na-ranggo na isa sa pinakamaraming katiwalian. (Ulat ni Jess Diaz)