ARB ng POEI kinilala ng Japan Immigration

Isang malaking tagumpay ang ginawang krusada ng Philippine Overseas Entertainment Industry Foundation (POEI) matapos na magpalabas ang Japan Immigration ng working visas para sa tatlong overseas peforming artists (OPA).

Ayon kay National Press Club (NPC) director at POEI president Willie Espiritu, nagbunga rin ang kanilang walang sawang panawagan at isang "blessing" anya ang pagkakaloob ng working visas sa 3 singing OPAs. Patunay lamang umano ito na kinikilala ng Japan ang POEI.

Tinangka umanong harangin ang operasyon ng POEI dahil tanging Artist Record Books (ARBs) na inisyu ng POEA at TESDA ang kinikilala ng Japan. (Ulat ni Lordeth Bonilla)