Panibagong oil price hike

Sumirit na naman ang halaga ng produktong petrolyo nang ihudyat kahapon ng tanghali ng Caltex Philippines ang panibagong pagtataas ng kanilang petroleum products mula 39 hanggang 49 sentimo kada litro.

Sinabi ni Marian Catedral, Corporations Communications manager ng Caltex, naapektuhan ang presyo ng kanilang mga produkto kaugnay ng pressures na kasalukuyang umiiral sa global prices at maging sa rehiyon nitong mga nakalipas na linggo.

Ang mga pressures na ito aniya ay nag-uugat naman sa supply, demand, competition at sa local market place.

Ang bagong presyo ng Vortex Gold ay P18.41 per liter; P17.86 sa Vortex Silver; P14.54 sa Diesel at P14.28 sa Kerosene.

Tiniyak naman ni Catedral na magiging bukas at transparent ang kanilang tanggapan ukol sa mga price adjustments habang patuloy nilang mamanmanan ang markado at ang competitive conditions nito. (Ulat ni Andi Garcia)