Paghahanap ng kapalit ni Desierto gagawing transparent

Sinigurado kahapon ng isang miyembro ng Judicial and Bar Council na gagawin nilang transparent ang pagpili sa mga kuwalipikadong nominees bilang kapalit ni Ombudsman Aniano Desierto na nakatakdang magretiro ngayong Agosto 4. Ayon kay Taguig-Pateros Rep. Allan Peter Cayetano, nag-iisang kinatawan ng Kamara sa JBC, magpapalabas sila sa publiko ng isang outline na magiging batayan sa pagpili ng bagong Ombudsman. Bagaman bukas na ang nominasyon para sa bagong Ombudsman ay wala pa namang natatanggap ang JBC ng anumang endorsement o application. (Ulat ni Malou Escudero)