'Valedictory address' ni Senador Ople

Nakatakdang magbigay ng kanyang "valedictory address" si Senador Blas Ople sa kanyang mga kasamahan sa senado matapos niyang tanggapin ang alok ni Pangulong Gloria Macapagal-Arroyo na pamunuan ang Department of Foreign Affairs (DFA).

Pormal ding ihahayag ni Ople ang kanyang pagbibitiw bilang Senador ngayong araw na ito kung saan bukas ay manunumpa na ito bilang bagong kalihim ng DFA sa Malacañang. Sa pag-alis ni Ople sa senado ay maiiwan na lamang na 10 ang miyembro ng oposisyon matapos maunang lumipat sa kampo ng administrasyon si Sen. Robert Jaworski. (Ulat ni Rudy Andal)