Kongresista nag-sesyon sa lobby, martilyo ginamit na gavel

Nagmukhang circus kahapon ang lobby ng Mababang Kapulungan ng Kongreso ng magdaos doon ng sesyon ang 16 na kongresistang kasapi ng minority group.

Alas-2 ng hapon ng simulan ng minority group ang kanilang sesyon sa pangunguna ni Minority Leader Carlos Padilla at dahil wala ang opisyal na gavel na ginagamit sa loob ng plenary hall, totoong martilyo ang ginamit ni Padilla na pamukpok sa lamesa na naging dahilan upang tawagin silang "martilyo gang" ni Majority Leader Neptali Gonzales.

Sinabi ni Cagayan de Oro Rep. Constantino Jaraula na sinubukan nilang buksan ang lahat ng pintuan ng session hall upang doon mag-quorum, subalit nakasusi ang mga ito kaya napilitan silang isagawa ang sesyon sa loob ng plenary hall.

Ginagampanan lamang umano nila ang kanilang trabaho bilang mga mambabatas dahil ngayong araw na ito pa lang dapat mag-adjourn ang Kongreso. (Ulat ni Malou Escudero)