Epidemya mananalasa dahil sa nuclear fallout

Kinumpirma kahapon ng isang US News Service Network na nahaharap ang Pilipinas sa hindi maiiwasang panganib ng nuclear fallout na maaaring pagsimulan ng iba’t ibang uri ng epidemya tulad ng cancer (lahat ng uri), blindness, speech abnormality, total memory loss at maging extreme paranoia kapag di na napigilan ang pagsasalpukan ng dalawang nuclear powers na India at Pakistan.

Ito ang ipinabatid ng isang Princeton University professor na eksperto sa lahat ng uri ng sakit na dulot ng nuclear fallout.

Ipinaliwanag sa programang Late Night W/David Rothman na kung kumitil ng mahigit sa 250,000 ang atomic bomb na ibinagsak sa Nagasaki at Hiroshima noong World War II ay inaasahang aabot sa kung ilang milyon naman ang mabubura sa mundo dahil sa pag-aaway ng dalawang bansa.

Ang Pakistan na mayroong matinding suporta ng Russia ay nagtataglay ng mula 30-50 nuclear warheads habang ang India ay mayroong 50-100.

Anumang sandali na gamitin ng India at Pakistan ang kanilang armas nukleyar ay sapat na upang pumatay nang hanggang 2 milyong katao.

Ngunit ang higit na panganib ayon pa sa eksperto, ay ang living nightmare na maaaring danasin ng mga mamamayan sa Latin America at South East Asia kabilang na ang Pilipinas dahil sa nuclear fallout na resulta ng pinasabog na nuclear warheads.

"Ang nuclear dust na tatangayin ng hangin at sasama sa ulan ay babagsak bilang acid rain na kapag nahigop ng lupa at sumama sa mga halaman o damo na kinakain ng mga cattles ay sapat na upang lumikha ng panibagong uri ng genes o sumira sa DNA structure ng tao."

Sa simpleng paliwanag, anumang oras na maganap ang digmaan at may sumabog na nuclear warheads ay makakaasa na ang daigdig ng epidemya within a five-year time at ang masaklap pa sa lahat ay ang pag-usbong ng brand new type of human na kung tawagin ay "mutant." (Ulat ni Andi Garcia)