Sinabi ni GRP panel head Jesus Dureza na nagkausap na ang buong miyembro ng panel at nagkasundo ang mga ito na iparating sa Pangulo na ituloy na ang negosasyon.
Ipinaliwanag ni Dureza na mahaba pa ang negosasyon at ang mga resulta ng back channel talks ay ceasefire at interim agreements at wala pa sa pinal na kasunduan.
Nauna rito, sinuspinde ng Pangulo ang GRP panel dahil sa paniwalang mas magiging mabilis ang back channeling.
Pero matapos ang interim agreement na nilagdaan sa Malaysia sa pagitan nina Presidential Adviser on Special Concerns Norberto Gonzales at MILF ay binabato ito ng mga akusasyon at pagdududa sa kasunduan.
Isa sa banat sa nilagdaang kasunduan ay ang sinasabing pagbabalik ng kampo sa MILF na nabawi ng militar at ang usapin sa paghawak ng pondo para sa kaunlaran sa teroritoryo ng rebeldeng grupo. (Ely Saludar)