PAO lawyers ni Erap nagsiayawan

Umayaw na lahat sa pamamagitan ng paghain ng mosyon sa korte ang mga abogadong galing sa Public Attorney’s Office (PAO) na itinalaga ng Sandiganbayan Special Division para kina dating Pangulong Joseph Estrada at sa anak nitong si Jinggoy.

Ang walong abogadong nagsipagbitiw ay sina Attys. Francisco Sanchez,Maximo Usita Jr.,Wilfredo Andres,Arturo Temanil,Silvestre Mosing,Joefferson Toribio,Melita Lauron at Oscar Co.

Ayon sa mga ito hindi nila makayanan ang dagdag na trabaho mula nang ibigay sa kanila ng korte bilang counsel de officio ng mag-ama.

Ikinatuwiran din ng mga abogado ang pagiging mayaman ni Estrada ay salungat sa kanilang sinumpaang tungkulin. (Malou Rongalerios-Escudero)