Mag-amang Estrada haharap sa Sandiganbayan

Inaasahan na dadalo ngayon sa pagdinig ng Sandiganbayan Special Division sina dating Pangulong Joseph Estrada at San Juan Mayor Jinggoy Estrada para sa kasong indirect contempt na isinampa sa kanila ng Plunder Watch.

Nilinaw naman ni Atty. Renato Bocar,spokesman ng Special Division na walang ipinalalabas na banta ang korte laban kay Sen. Loi Estrada sakaling mabigo itong makadalo ng hearing ngayong umaga.

Inaasahang magpapakalat ngayon ng puwersa ang Philippine National Police sa paligid ng Sandiganbayan bilang handa sa posibleng pagsugod ng mga supporters ng dating pangulo.

Ang kasong perjury ay isinampa ng Plunder Watch laban sa mag-amang Estrada, Sen.Loi, Atty.Rene Saguisag at Atty.Raymond Fortun.

Ibinase ng Plunder Watch ang reklamo dahil sa umano’y ginawang pagyurak ng lima sa sistema ng hustisya sa bansa matapos na akusahang hindi patas ang korte sa kanila. (Malou Rongalerios Escudero)