Ito ang naging pahayag ni Senador Robert Barbers sa kanyang pagdating buhat sa Tokyo, Japan na naging resource speaker sa katatapos na International Drug Summit.
Ayon kay Barbers, malapit nang maisabatas ang kanyang panukalang batas na Comprehensive Drug Bill at dito ay ginawa ng prohibited ang drug ecstasy na kung sino ang mahuhulihan ng 10 gramo ay may kaparusahang bitay.
Ganoon din ay parusang bitay ang sinumang mahuhulihan ng 10 gramo ng shabu hindi tulad dati na dapat ay 200 gramo ang makumpiska bago mabitay ang isang akusado.
Kasama rin sa panukalang batas ay ang pagtatatag ng Special Drug Court na pawang may kaugnayan lamang sa droga ang lilitisin na hindi dapat tumagal ng 60 araw ang pagdinig sa kaso.
Malungkot din na sinabi ni Barbers na ang Pilipinas ay no, 3 na ngayon sa Asya na pinanggagalingan ng shabu. Nangunguna ang Myanmar (dating Burma) at pumapangalawa ang North Eastern China. (Ulat ni Butch Quejada)