Kasapatan ng isdang 'GG' iniutos ni GMA

Iniutos ni Pangulong Gloria Macapagal-Arroyo sa kinauukulang ahensiya ng pamahalaan na magsagawa ng pag-aaral kung paano magkakaroon ng sapat na produksiyon ng isdang galunggong upang mapababa ang presyo nito sa pamilihan.

Ayon kay Acting Press Secretary Silvestre Afable, ang pag-aaral sa kasapatan ng galunggong ay natalakay matapos matanggap ang impormasyon na P 70 ang isang kilo nito sa pamilihan.

Binigyan diin ng Pangulo na ang galunggong ay isang pangunahing bilihin na kinukunsumo ng mamamayan kung kaya’t mahalagang may sapat na produksiyon para mapanatiling mababa ang presyo sa pamilihan. (Ulat ni Lilia Tolentino)