Sa kanyang palatuntunang "Panawagan ng Pangulo," sinabi ng Presidente na walang katotohanan ang bintang na nanligaw lang siya sa ilang partikular na grupo tulad ng El Shaddai at piling mga artista.
"Ever since I came to know about El Shaddai mga 1993, talagang taun-taon ay dumadalo ako. In fact, usually nga mga three times a year ay pumupunta ako," pahayag ng Pangulo.
Sinabi rin ng Pangulo na ang mga artistang tulad nina Lipa City Mayor Vilma Santos, Nora Aunor at Rossana Roces ay hindi niya niligawan kundi boluntaryo na nagsabi sa kanyang gusto nilang tumulong sa kanyang mga programa.
Isasama ng Pangulo ang mga artistang ito sa Kalahi Caravan, isang komprehensibong paghahatid ng mga serbisyong panlipunan sa mga maralitang komunidad sa Metro Manila at karatig lalawigan. (Ulat ni Lilia Tolentino)