Pabahay sa mga empleyado ng DENR binuksan

Pormal nang binuksan kahapon ni Environment Secretary Heherson Alvarez ang pintuan para sa paglalaan ng murang pabahay sa mga empleyado ng Department of Environment and Natural Resources (DENR).

Una rito, pinapurihan ni Pangulong Arroyo si Alvarez bunsod nang ginawang pangunguna nito sa pagpapatupad ng 130 hectares Garden Cottages Housing Project sa Barangay Guyambay, Tanay, Rizal na laan sa mga empleyado ng gobyerno partikular sa mga DENR employees.

"Our collective vision is to build a total community which government employees can call their very own, a world-class residential ecology park that is self-sustaining yet affordable to low-salaries stated employees," ani Alvarez.

Nabatid din kay Alvarez na kasama sa mga makikinabang sa nabanggit na housing project ang mga empleyado ng Dept. of Transportation and Communication, Interior and Local Govt., National Defense at Dept. of Education.

Ang bawat empleyado ng nabanggit na mga departamento ay maaaring makakuha ng single-detached, single-attached, duplex at row houses na may 42 square meters na babayaran ng P180,000; 96 square meters sa halagang P340,000.00 at 120 square meters na may halagang P400,000.00 na babayaran sa ilalim ng easy-to-pay-loan package na pangangasiwaan ng Pag-Ibig Fund ng pamahalaan.

"We have joined hands and pooled our resources together to build a model housing community which will showcase the Macapagal-Arroyo’s Administration’s low-cost housing program for state workers. This is a positive step towards realizing every rank-and-files dream for a decent home," pahayag ni Alvarez. (Ulat ni Angie Dela Cruz)