Walang Pinoy sa NY plane craash

Kinumpirma ng konsulado ng Pilipinas sa New York na walang sakay na Filipino ang American Arlines Airbus na bumagsak sa isang residential area kamakalawa.

Pinabulaanan ng Department of Foreign Affairs ang unang lumabas na ulat na may 18 Pinoy casualties sa nag-crash na eroplano, pero inaalam pa nila kung may mga Pinoy na nakatira sa Queens, New York, ang residential area na binagsakan ng AA Flight 587 kung saan pinaniniwalaan na maraming Filipino ang nakatira dito.

"They have no inkling of any Filipino on board flight AA 587, but if where to go by probabilities, that corridor between New York and Sto. Domingo (in Dominican Republic) is not known to be a route where Filipinos are frequent but we are not ruling that out," ayon kay DFA Spokesman Victoriano Lecaros.

Ang Flight AA 587 na may lulang 246 pasahero, bukod pa sa 5 sanggol at siyam na crew ay bumagsak dalawang minuto pagkaraang lumipad mula sa Kennedy International Airport patungong Sto. Domingo sa Dominican Republic. (Ulat ni Rose Tamayo)