GMA nasa Brunei na

Nasa Brunei na si Pangulong Arroyo kasama si First Gentleman Mike Arroyo para sa limang araw na pagbisita dito at sa bansang Singapore sa layuning palawakin ang ating bilateral relations sa nasabing mga bansa.

Sa Brunei ay makikipagpulong ang Pangulo sa matataas na opisyal ng nasabing bansa para pasiglahin ang Brunei-Indonesia-Malaysia-Philippines-East Asian Growth Area (BIMP-EAGA).

Lumagda rin ang dalawang bansa sa isang Memorandum of Understanding on Defense Cooperation.

Pagkatapos nito ay tutulak papuntang Singapore ang Pangulo para himukin naman ang mga negosyante na mamuhunan sa Pilipinas para sa Information and Communication Technology. (Ulat ni Lilia Tolentino)