Edsa 4 minaliit ng Malakanyang

Minaliit ng Malakanyang ang banta ng mga militanteng grupo na maglunsad ng Edsa 4 kung mapapako ang mga pangako ni Pangulong Arroyo.

Sinabi ng Pangulo na walang mangyayari sa ganitong tangka dahil ang nakararami ay nasa likod ng kanyang liderato.

"We will prevail because the mainstream of the nation is united. Ang Edsa 4 na iyan ay wala sa mainstream. Tingnan mo ang Congress and Senate magkasama, kakampi, consolidated. Tingnan mo ang Governor and City Mayor’s League, consolidated.Tingnan mo ang sinasabi nilang 100 libong magde-demonstrate kahapon. Fraction lang noon ang nakapunta doon," pahayag ng Pangulo sa isang panayam.

Naniniwala ang Pangulo na hindi kayang ibagsak ang kanyang administrasyon dahil napag-isa na niya ang bansa. (Ulat nina Lilia Tolentino at Ely Saludar)