Puwede na ngayong kasuhan ng sexual harassment ang mga opisyal at kawani ng gobyerno na nagpapadala ng malalaswang mensahe na maglalagay sa kahihiyan sa isang biktima.
Sa pahayag ng Pangulo, inilunsad niya ang bagong Administrative Discipilinary Rules on Sexual Harassment Cases na magbibilang sa nagpapadala ng bastos na text message, fax, telepono at e-mail bilang bahagi ng Republic Acty No. 7877 na ipinalabas ng Civil Service Commission (CSC).
Sa direktiba ng CSC na epektibo sa Agosto 5, 2001 ay maaaring magreklamo ang sinuman na makakatanggap ng bastos na text mula sa mga opisyal at empleyado ng gobyeno. Posibleng masibak sa puwesto ang isang inireklamo kapag tatlong beses na siyang nahuli.
Sinabi naman ni Bukidnon Rep. Juan Miguel Zubiri na dapat magpalabas ng malawak na information campaign ang CSC dahil maaaring maraming kawani at opisyal ng gobyerno ang makasuhan sa kakulangan ng kaalaman sa nasabing direktiba.
Dapat din umanong pag-aralan itong mabuti dahil baka lumalabag na ito sa freedom of speech. (Ulat ni Lilia Tolentino at Malou Rongalerios)