GMA di dapat makialam sa senate presidency - Ople

Nanawagan kahapon si Senador Blas Ople kay Pangulong Gloria Macapagal Arroyo na huwag itong makialam sa usapin ng senate presidency sa pamamagitan ng paglalagay ng kanyang ‘manok’.

Sinabi ni Ople na hindi dapat manghimasok sa panloob na usapin ng senado ang Pangulo upang makuha nito ang respeto at kooperasyon ng taga oposisyon sa Mataas na Kapulungan.

Si Ople na hayagang sumusuporta sa kandidatura ni Senador Edgardo Angara bilang senate president ay nagwika na kapag nakialam ang Pangulo sa internal affair ng senado ay posibleng manganib naman ang economic reform agenda ng administrasyon dahil hindi susuporta ang oposisyon. (Ulat ni Rudy Andal)