Comelec modernization isusulong na

Pasisimulang muli ng Commission on Election (COMELEC) ang pagtalakay ng modernization upang maisulong na sa darating na 2004 election ang computerization project.

Ayon kay Comelec Commissioner Luzviminda Tancangco na sa darating na Hulyo 11 ay uunahin ng commission enbanc ang paglilinaw ng awarding ukol sa Voters Registration and Identification System(VRIS) na nakuha ng Photokina Marketing Corporation na pansamantalang naisantabi ni Comelec Chairman Alfredo Benipayo bago sumapit ang nakaraang May 14 election.

Sinabi ni Tancangco, dapat lamang na talakayin at linawin ng commission enbanc ang pag-award nito sa Photokina para sa gayon ay agad na makagawa ng kontrata.

Napasakamay ang proyektong VRIS sa Photokina noong nakaupo si dating Comelec Chairman Harriet Demetriou subalit hindi nito napirmahan ang kontrata sa hindi malamang kadahilanan. (Ulat ni Jhay Mejias)