PPC hindi mahahati dahil sa speakership

Kumpiyansa ang Malacañang na hindi mahahati ang People Power Coalition (PPC) sa mababang kapulungan ng kongreso dahil sa mainit na labanan ng speakership.

Ito ay kaugnay sa ulat na maaaring mawasak ang partido ng administrasyon dahil pawang miyembro nito ang naglalaban-laban sa nasabing puwesto.

Ayon kay Presidential Spokesman Rigoberto Tiglao, hindi umano makikialam ang Malacañang sa speakership na mahigpitang pinaglalabanan nina Pangasinan Cong. Jose De Venecia Jr., Batanes Cong. Butch Abad ng Liberal Party at Palawan Cong. Vicente Sandoval na pawang mga kasapi ng PPC. (Ulat ni Ely Saludar)