Sa report mula sa AFP Southcom, namataan ang walong bangka palabas ng Basilan dakong alas-4:30 ng madaling araw ng dalawang helicopter, pero hindi nakayang masundan dahil sa kasalukuyang sama ng panahon kaya napilitang lumapag.
Bago lumapag, nagawang beripikahin ng tatlong ulit ng mga pilotong sundalo ang mga laman ng bangka bago tuluyang ipinaalam sa 103rd Brigade sa Tablawan, Isabela.
Karagdagang tropa ng Naval Forces South ang ipinadala para masundan ang mga bangka.
Hindi naman nilinaw kung tangay ng nakatakas na mga bandido ang mga bihag at kung kasama sina ASG leaders Khadaffy Janjalani at Abu Sabaya. (Ulat ni Joy Cantos)