Ayon kay AFP spokesman Brig. Gen. Edilberto Adan na posibleng inabandona ng mga kidnaper ang nasabing speedboat matapos maubusan ng gasolina.
Nabatid na nanghaharang na ng maliliit na mangingisda ang mga bandidong Abu Sayyaf at sinisipsip ng mga ito ang gasolina ng kanilang maliliit na bangka base na rin sa testimonya ng mga nakawalang na hostage na mangingisda.
Narekober din ng militar ang ilang mga tag ng bag at mga personal na kagamitan sa nasabing isla.
Samantala, tiniyak naman ni Adan na ligtas nilang mababawi ang mga biktima bagamat isa sa mga hostage na si Reghis Romero na umano’y may sakit sa puso ang nasa hindi magandang kalagayan. (Ulat ni Joy Cantos)