Pagbasa ng sakdal kay Erap, iniliban

Ipinagpaliban kahapon ng Sandiganbayan ang pagbasa ng sakdal laban kay dating Pangulong Joseph Estrada sa kasong perjury na isinampa ng tanggapan ng Ombudsman.

Ang pagpapaliban ni Sandiganbayan 4th Division Justice Narciso Nario sa arraignment ni Estrada ay alinsunod sa motion na isinumite ng panig ng prosecution at depensa.

Sa pangyayaring ito muling itinakda ang arraignment ni Estrada sa darating na Mayo 31 sa kasong perjury at illegal use of aliases.

Una ng nagsampa ng motion ang prosecution dahil nais nitong baguhin ang mga impormasyong isinumite sa Sandiganbayan. (Ulat ni Grace Amargo)