Ito ang laman ng talumpati ng Pangulo sa pagdiriwang kahapon ng ika-59 taong anibersaryo ng Araw ng Kagitingan sa Dambana ng Kagitingan sa Pilar, Bataan.
Sinabi ng Pangulo na nararapat lamang na suklian ng pamahalaan ng dagdag na benepisyo ang mga bayani ng digmaan dahil wala na silang kakayahan na matugunan ang pangangailangan ng kanilang mga pamilya.
Ang nasabing budget ay idaragdag sa pension ng mga beterano kaya madaragdagan ng P 500 kada taon hanggang sa umabot ito sa halagang P 5,000 ang maging buwanan nilang pension.
Inatasan din ng Pangulo ang Philippine Veterans Administration na tiyaking wala nang pekeng beterano na makakasama sa listahan ng mga tumatanggap ng pension ng pamahalaan.
Limitado aniya ang pondo ng gobyerno at ang pagkakaroon ng mga huwad na pensiyonado ay makadaragdag sa problema ng alokasyon.
Samantala pinuri rin ng Pangulo si Bataan Governor Leonardo Roman at mga opisyal ng lalawigan sa ginawang pag-unlad ng ekonomiya ng kanilang lalawigan. (Ulat nina Lilia Tolentino at Jonie Capalaran)