Absentee voting susubukan?

Kinatigan kahapon ni Senate President Pro Tempore Blas Ople ang mungkahi ni Vice President at Foreign Affairs Secretary Teofisto Guingona na subukan muna ng pamahalaan ang absentee voting para sa mga overseas Filipino worker sa Hong Kong, Germany at United States.

Sinabi ni Ople na, sa pamamagitan ng naturang pagsubok o pilot testing, malalaman kung anong mga problema ang maaaring sumulpot sakaling ipatupad ang absentee voting sa lahat ng OFWs na nasa iba’t ibang panig ng mundo at hindi makakauwi sa Pilipinas para bumoto. (Ulat ni Doris Franche)