Sim card ng bastos na texters kukumpiskahin

Kukumpiskahin ng National Telecommunications Commission ang sim card ng mga gumagamit ng cellular phone pero nagpapadala ng malalaswa at malisyosong text messages.

Ito ang banta kahapon ni NTC Chairman Eliseo Rio Jr. dahil sa mga reklamo higgil sa mga hindi makatwirang text messages ng ilang cellphone user.

Nanawagan si Rio sa mga may-ari ng cellphone na isumbong ang mga nagpapadala ng mga malalaswa at hindi katanggap-tanggap na text messages.

Sinabi ni Rio na, sa unang offense, kakausapin muna nila ang nagpapadala ng malaswang text messages. Kapag umulit ito, kukumpiskahin nila ang sim card nito para hindi na magamit ang cellphone nito. (Ulat ni Angie dela Cruz)