Sinasabi ng Malaysian Navy na nasabat ng isang patrol gunboat nito noong Biyernes ang barkong Wish Me Luck na nakarehistro sa Pilipinas.
Inakyat ng Malaysian Navy ang barko at nakumpiska rito ang 19 na basyong tangke ng liquefied petroleum gas, drums at P450,000 cash.
Ikinulong ng mga awtoridad ng Malaysia ang 15 katao kabilang na ang limang tripulante ng naturang barko. Pinabalik sa Pilipinas ang barko samantalang ipapailalim sa deportasyon ang mga Pilipino. (Ulat ni Rose Tamayo)