Staff nina Sotto, Oreta binawalan sa NAIA

Pinagbawalan na kahapon ni Ninoy Aquino International Airport General Manager Edgar Manda sa paliparan ang mga tauhan nina Sen. Tessie Oreta at Sen. Tito Sotto dahil sa pagtulong nila sa kalaguyo ni dating Pangulong Joseph Estrada na si Laarni Enriquez na makapuslit sa NAIA nang hindi dumaan sa Immigration procedures.

Sinabi pa ni Manda na kakasuhan din ng usurpation of authority sina Jake Acuña, dating executive assistance sa tanggapan ng NAIA general manager, at Ernesto Yabut na isang chief aide ni Sotto.

Binigyan naman ni Immigration Commissioner Andrea Domingo ng ultimatum ang kanyang mga tauhan sa NAIA para magsumite ng pinal na report hinggil sa pagpuslit kay Enriquez. (Ulat nina Rey Arquiza at Butch Quejada)