Suweldo ng mga guro agad makakarating — Roco

Tiniyak ni Senador Raul Roco at bagong Education secretary na agad makakarating sa kamay ng mga guro ang kanilang suweldo at hindi na ito mabibimbin sa sandaling magsimula ang kanyang panunungkulan.

Ayon kay Roco, hindi na dapat padaanin sa mga superintendent o rehiyon ang suweldo ng mga guro at sa halip ay idiretso na lamang sa mga bank account ng mga ito.

Igigiit nito ang pagsasaayos ng banking system dahil dito nanggagaling ang mga suweldo ng mga titser na madalas umanong nangungutang bunga ng pagkaantala ng kanilang suweldo. (Ulat ni Doris Franche)