Walkout ituloy n'yo - Senator Osmeña

Hinamon kahapon ni Senator-Judge John Osmeña ang prosecution panel na ituloy ang banta nitong mag-walkout kapag binalewala ng impeachment court ang testimonya nina Equitable-PCI Bank Senior Vice President Clarissa Ocampo at legal counsel Manuel Curato na nagbunyag na iisang tao sina Jose Velarde at Pangulong Joseph Estrada.

Sinabi ni Osmeña na may karapatan ang prosecution na mag-walkout dahil maaari itong palitan ng House of Representatives.

Sinabi naman ni Senator-Judge Juan Ponce Enrile na dapat mapatunayan ng prosecution na may kuneksyon ang testimonya ni Ocampo sa umano’y pagiging ill-gotten ng account ng Pangulo sa naturang banko na nakapangalan kay Velarde. (Ulat ni Doris Franche)