Kasong libelo laban sa Der Spiegel , iniatras

Dahil sa wala ring mangyayari sa kasong libelo na iniharap ni Secretary Robert Aventajado sa magazine Der Spiegel nagpasya na lamang na ito ay kanyang iatras. Ayon kay Aventajado, inatras na lang niya ang kaso dahil sa payo ng kanyang mga abogado na mahirap ipanalo ang libelo sa Estados Unidos at maging sa Europa.

Hihingin nila sa nasabing magazine na magpadala ito ng sulat na humihingi sa kanya ng paumanhin dahil walang katibayan ang nasabing artikulo o ipakita ang tape na pinagkunan ng artikulo.

Ang kasong libelo laban sa magazine matapos na magpalabas ito ng artikulo na tumanggap si Aventajado at Pangulong Estrada ng komisyon sa ransom na ibinayad sa grupong Abu Sayyaf. (Ulat ni Lilia Tolentino)