Testigo sa mansion tinatakot

Kinumpirma kahapon ng isang kongresista na tinatakot umano ng mga ahente ng National Bureau of Investigation ang mga testigo sa kontrobersyal na mga mansion ni Pangulong Joseph Estrada.

Sinabi ni Leyte Rep. Sergio Apostol na umaatras ang mga testigo nila sa impeachment case laban sa Pangulo dahil sa pananakot ng mga tauhan ng NBI.

Kasabay nito, pinabulaanan naman kahapon ni Interior Secretary Alfredo Lim na tapos na ang imbestigasyon ng NBI sa mga mansion. Patuloy pa anya ang imbestigasyon bagaman nagkaroon lang ng konting problema dahil naguguluhan ang mga dapat kausapin ng mga ahente ng NBI. (Ulat nina Malou Rongalerios at Rudy Andal)