Ibang bansa kinondena

Kinondena kahapon ng Partido ng Masang Pilipino ang umano’y pakikialam ng ibang bansa sa kaguluhan sa bansa.

Ginawa ng PMP ang pahayag dahil sa bintang ng German magazine na Der Spiegel na namorsiyento umano si Pangulong Joseph Estrada sa ransom na tinanggap ng Abu Sayyaf para sa pagpapalaya sa ilan nitong dayuhang bihag.

Sinabi ni PMP President Orlando Mercado na susuportahan ng kanilang grupo ang hakbang ng Pangulo at ni Flagship Projects Secretary Robert Aventajado na kasuhan ng libelo ang naturang magazine. (Ulat ni Rose Tamayo)