Jinggoy lumipad sa Amerika

Pinahintulutan ng Senado ang anak ni Pangulong Joseph Estrada na si San Juan Mayor Jose "Jinggoy" Ejercito na makaalis patungo sa Estados Unidos ngayong Disyembre 5 dahil sa mahalaga niyang lakad doon na nauna nang itinakda.

Dahil dito, hindi makakaharap ang batang Ejercito sa unang araw ng paglilitis sa kasong impeachment laban sa kanyang ama sa Huwebes bagaman sinabi niya sa kanyang sulat kina Chief Justice Hilario Davide at sa mga senador na tumatayong hurado sa paglilitis na handa siyang humarap dito sa pagbabalik niya sa Pilipinas sa susunod na linggo. Pinayagan ng impeachment court ang kahilingan ng batang Estrada nang pumayag ang mga prosecutor na sa ibang petsa na ito paharapin sa paglilitis. (Ulat ni Doris Franche)