Pangandoy ni Ivana

CEBU, Philippines — Usa sa mga pangandoy  aktres nga si Ivana Alawi nga wala pa gyud nahatagan og katumanan mao nga mahimong asawa o ang pagbaton og kaugalingong pamilya. "Siyempre, makabuo na ng pamilya, maging housewife. Alam n’yo naman ‘yun. So, hindi pa natutupad ‘yun," matud pa ni Ivana.

Hapit na mahuman

Sa latest vlog ni Jak Roberto , gipakita niya ang gipahimo niya nga dream house nga 95% na nga nahuman. Nagkanayon ang  aktor  nga nakita na gyud niya ang  iyang hinagoan, bisan paman sa mga pagsulay nga iyang naagian .“Grabe totoo talaga ang sinabi nila, mahirap talaga magpagawa ng bahay pero sobrang nakaka-excite na guys! Ang dami nang nagdaan na pagsubok! Wala nang sukuan to!” suma pa ni Jak.

Balik-trabaho

Gipaabot nga mobalik si Kim Atienza karong adlawa isip co-host sa GMA-7 morning variety show nga TiktoClock. Pipila ka adlaw nga naka-absent si Kuya Kim sa maong programa human kini nalambigit sa motorcycle accident sa niaging semana.

Andrea mitingog na status nila sa non-showbiz guy

Gikumpirmar ni Andrea Brillantes nga naa na sila “dating stage” sa usa ka non showbiz guy.

Suma pa sa aktres nga dugay na siya nga wala’y uyab busa   wala’y babag  kun pananglitan makabaton siya og bag-ong inspirasyon.

 “I am dating someone right now,” saysay pa sa aktres ngadto sa ABS-CBN News.

Ang  Filipino-Jordanian ug kanhi basketball player  nga si Sam Fernandez maoy ka-date ni Andrea karong panahona.

South Korean singer Wheesung mipanaw

Nipanaw ang  43 anyos nga South Korean singer nga si Wheesung   niadtong Lunes.

Base sa police reports ,   nakit-an si Wheesung  nga na-collapsed   sa iyang apartment sa Seoul  sa alas 6:29 sa gabii.

Giadto  dayon kini sa emergency responders ug gideklarar kini nga wala na’y kinabuhi.

"So far, no signs of external intrusion or criminal intent have been confirmed. Whether there is a will and the specific circumstances of death are under investigation,” tipik sa police report.

Base sa  statement sa agency ni  Wheesung nga  Tajoy Entertainment, namatay ang singer tungod sa  cardiac arrest .

Pipila sa   hit song ni Wheesung kay naglangkob sa  "Is It Not Possible?," With Me," "The Day We Meet Again," "Terminal Illness," ug  "In a Year."

Matt Cruz, “down bad” pag-abot sa gugma

Nagpungasi nga gugma ang gihatod   sa  kanhi "Dream Maker" contestant nga si Matt Cruz  sa iyang bag-ong awit nga "Down Bad."

“Tungkol ito sa mga taong sobrang in love na handang gawin ang lahat para mapansin at makuha ang atensyon ng taong gusto nila,” saysay pa ni Matt.

Mapasalamaton si Matt sa kahigayonan nga makasugod sa iyang solo career ubos sa label sa Old School Records sa ABS-CBN Music.

“Sobrang grateful at blessed sa mga nangyayari ngayon sa career ko and hindi ko ‘to magagawa lahat kundi dahil sa mga taong naniniwala sa akin,” dugang pa niya.

Si Kiko "Kikx" Salazar ang nagtagik sa   "Down Bad."

Una nang naila si Matt sa iyang pag-apil sa nagkalain-laing reality survival show nga  sama sa "Dream Maker" diin nasulod siya isip finalist.

Kahinumdoman nga ang iyang  debut single nga "Missin'" kay namugna niadtong 2022. Pipila sa iyang mga impluwensya sa musika mao sila si Gary Valenciano ug Chris Brown.

Ang bag-ong awit ni Matt nga "Down Bad" kay madungog sa  nagkalainlaing streaming platforms.

“DAM” sa SB19  gikagobtan worldwide

Kasamtangang nag-una sa  Billboard World Digital Song Sales chart ang  latest single  sa  SB19  nga “DAM.”

Ang  SB19  maoy labing una nga Filipino act   nga nakalangkat og  top spot sa Billboard World Digital Song Sales chart.

Ang Billboard World Digital Song Sales chart kay usa ka  music chart nga mag-rank sa  matag-semana  nga  top 10 best-selling digital singles.